الأربعاء، يونيو 29، 2011

مش هبعد عنك تاني يارب :)

.

ببعد ليه كل ما اقرب هو انا نفسي وحشه بجد؟؟؟

ليه مش عارفه اتحكم فيها ليه اخطائي دايما اكتر؟؟؟

!!!كل شويه احاول وابدا وارجع تاني اعيد من الاول

!!!يبقي العيب اكيد جوايا مش راح ينفع اعيب علي حد

مين يساعدني ويقويني ويقدرني عليا بجد؟؟؟

بخجل منك لما بقرب تاني واقولك ساعدني يارب

حسه كاني حد اناني مبيعرفش يصون الوعد

كل ما بوعد واقول سامحني مش هرجع تاني للذنب

ارجع تاني وتاني وتاني ومبعرفش ابطل وعد

بس مليش غيرك يا حبيبي اهرب مني واروح ليه

انت ياربي اللي مقويني وعلي نفسي بقدر بيك

خدني لحبك اكتر واكتر واهديني وقدرني يارب

بطلب منك انك تحميني وتثبتني اصون الوعد

ايوه بحبك وحبك عندي اغلي من الدنيا ومافيها

بس الدنيا والشهوات دايما علي نفسي بتأذيها

ايوه هقرب تاني وتاني ومش هبعد عنك تاني يارب

مش هبعد عنك تاني يارب
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الخميس، يونيو 02، 2011

بقي ده اسمه كلام؟؟.

.

بقي ده اسمه كلام؟؟..


شويه تقول حاسس اني لوحدي..

وشويه تقول انا تعبان وزهقان..

وشويه تقول مخنوق وملان..

بقي ده اسمه كلام؟؟..
..


شايل هم الدنيا بحالها ليه؟؟..

هو مفيش غير في الكون ولا ايه؟؟..

قافل علي نفسك الدايره كده ليه؟؟..

بقي ده اسمه كلام؟؟..



الدنيا كبيره والناس فيها كتيره..

منهم الطيب والصالح ومنهم اكيد الغير صالح..

ليه باصص دايما ومركز مع كل الوحش؟؟..

بقي ده اسمه كلام؟؟..




خليك متفائل ودايما فاكر :)..

ليك ربك رحيم وكرمه عليك زايد :)..

ومهما ضاقت عليك هتهون :)..

ماهو سبحانه قال ان بعد العسر يسرا :)..

واهو ده بقي الكلام :)..



افتح قلبك للخير وحب كل الناس :)..

وارمي ورا ضهرك همومك وكل الاحزان :)..

وقول عليك وحدك بس توكالي يا رحمن :)..

واهو ده بقي الكلام :)..
..

قرب منه تلاقاه علي طول جنبك :)..

عمره ما هيقفل بابه لو فيه الخير قلبك :)

سبحانه قالك ادعوني واكيد هيجاوبك :)

واهو ده بقي الكلام :)


خلي الدعاء في لسانك وكمان جوه قلبك :)..

والاستغفار خليه سلاحك وبيه لربك قربك :)..

وارمي حمولك عليه وقوله يارب هون..

واهو ده بقي الكلام :)..



سيبك من كلام الناس ومن اللي مش عاجبه :).

عمر الناس ما اجتمعوا علي حب شئ واحد :)..

خلي هدفك قدامك واسعي وراه دايما :)..

يرضوا الناس او مايرضوا رضا ربي هو غايتي :)..
.
واهو ده بقي الكلام :)...


فليرضي عني الناس او فليسخطوا ..فانا لم اعد اسعي لغير رضاك :)..
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓