الثلاثاء، مايو 31، 2011

اللهم اجعل القراءن ربيع صدورنا ونور قلوبنا

.
دخل الصيدلية و قال :..
” عندك دواء يليّن القلب ؟! ..“
فـ أعطاه الصيدلي ( مُصحفاً )..
و قال : ” شفاك الله..

اللهم اجعل القراءن ربيع صدورنا ونور قلوبنا..
وسبب جلاء همنا وشفيعنا يوم الحساب..

نور قلبك بالقراءن :)..
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

هتوحشوني :)

.

هتوحشوني :)

والصفحه كمان هتوحشني اوي :)

اصل انا ان شاء الله مسافره يوم الخميس واخيراااا هشوف مصر بعد الثوره :)

وطبعا انتوا عارفين معظم الاجازه بتكون من نصيب الاهل والقرايب والاصحاب :)

بس ان شاء الله من وقت للتاني هطمن عليكم واشارك معاكم :)

بس بجد يا بنات ويا شباب في موضوع شاغلني اوي

يا ترى فعلا البعد بينسي؟؟

لو حد بعد عن مكان لفتره فعلا ممكن يتنسي؟؟

بقولكم ااايه اوعوا تنسوني :)

ده اصلا لو حد اهتم وكان فارق معاه اصلا :D

عموما ربنا يكرمكم ويوفقكم جميعا يارب وألقاكم على خير جميعا ان شاء الله :)

بس أمانه عليكم اللي يفتكر او يجي في باله اسم اختكم قلـ♥ـب تائب

تدعولي بالخير بظهر الغيب :)

ماهو محدش ضامن يا ترى هنتلاقى تاني ولا لاء :)

وانا كمان بدعيلكم دايما بظهر الغيب :)

ربنا يحبكم ويرضى عنكم ويرضيكم جميعا يااارب :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الاثنين، مايو 30، 2011

ادعي ربك من قلبك :)

عندك امنيه نفسك ربنا يحققهالك؟؟..
طيب يلا مستني ايه؟؟ 

ادعي ربك من قلبك ..
اللهم ارزقني الفردوس الاعلى انا وكل من احب يا كريم
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

خلاص بقي قلبك أبيض ^^



خلاص بقي قلبك أبيض ^^

كتير بنسمع الجمله ديه مش كده ؟؟
...
بس يا تري بنعمل بيها ولا لأ ؟؟

عارفين يا شباب من فتره كده حصلتلي مشكله مع احدي صديقاتي وكانت مأثره فيا أوي :(

لدرجه اني مكنتش عارفه انا زعلانه منها ولا زعلانه علشان بعدنا عن بعض ولا علشان اديت ثقتي لحد ما يستاهلهاش ولا ولا ولا ولا ...:(

حاجات كتير اووي بجد كانت محيراني ومخلياني مش عارفه افك ولا أخد قرار

بس بمرور الأيام مخبيش عليكم الموضوع عندي إختلف :)

حسيت اني بقيت اهدي وعارفه افكر واوزن الامور من كل الاتجاهات :)

وبغض النظر بقي عن القرار اللي أخدته في ازاي هتعامل مع صديقتي ديه بعد كده :)

بس إتعلمت حاجه أهم بكتييير من ده كله :)

إتعلمت انو مهما يحصل من الناس اللي حواليا من إساءه أو سؤ ظن أو أو أو

إني منامش أبدا وانا زعلانه او شايله من حد :)

عارفين ليه يا شباب ويا بنات ؟؟

علشان أفتكرت أيه حلوووه أووووي بجد :)

الأيه الكريمه بتقول
((وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ)) النور22

سبحانك ربي ما اعظمك وارحمك واكرمك :)

يعني لو أنا نمت وانا مسامحه أي حد غلط في حقي أو زعلني إبتغاء رحمه ومغفره ربنا ليا إن شاء الله ربنا يغفرلي :)

اكتشفت بجد يا شباب ان مفيش اي بشــــر في الدنيــــا يستـــاهل إني اضيع فرصه زي ديه ربنا بيديهالي :)

من هنا ورايح يا شباب عاوزين نحتسب الأجر إننا هنعفو ونسامح ونغفر إبتغاء مغفره ربنا سبحانه وتعالي لينا :)

ويكون شعارنا من هنا وراااااايح

لا تنام قبل أن تسامح الأنام ^^

إتفقنا ؟؟؟

ربنا يحبكم ويرضي عنكم ويغفرلكم ويهديكم لما يحب ويرضي يارب :)

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأحد، مايو 29، 2011

حب لاخيك ما تحب لنفسك :)


.

حب لاخيك ما تحب لنفسك :)

طبعا مقوله مشهوره جدا مش كده ؟؟:)

عارفين زمان كنت باخد الجمله عادي كده وممكن مكنتش بركز في معناها اوي

بس لما عرفت الحديث الشريف اللي بيقول
عن ابي حمزه انس بن مالك رضي الله عنه.عن النبي صلى الله عليه وسلم:
لا يؤمن احدكم حتى يحب لأخيه ما يحب لنفسه} رواه البخاري ومسلم

عرفت اد ايه مهم واد ايه الرسول عليه الصلاه والسلام
ربط بين حبك لغيرك زي ما بتحب لنفسك بالايماااان!!!!!

متخيلين يا شباب ويا بنات يعني ايه؟؟

يعني انت تقدر تحكم على نفسك وعلى درجه ايمانك من خلال مقياس معاملاتك مع الاخرين :)

طيب الاول تعالوا نشوف مع بعض معنى الحديث الشريف ايه :)
معناه لايبلغ عبد حقيقة الإيمان حتى يحب للناس ما يحب لنفسه من الخير’ ويكره للناس ما يكرهه لنفسه من الشر

يعني يا شباب ويا بنات نعامل الناس زي ما بنحب انهم يعاملونا :)

متخليش ابدا الانانيه وحب الذات والأنا تسيطر علينا ولعياذ بالله :)

طبعا احنا كلنا بشر وللاسف ممكن يجي علينا وقت الشيطان يغلبنا وحب الذات يأثر علينا :(

بس الاهم اننا اول ما نحس بده نستعيذ بالله من الشيطان ونحاول نصحح اللي غلطنا فيه :)

عندي كمان حديث مهم اوي عاوزه اقولهلكم وبعدها مش هطول عليكم :)

قال صلى الله عليه وسلم:{ من احب أن يزحزح عن النار ويدخل الجنه فلتدركه منيته وهو مؤمن بالله واليوم الآخر ويأتي على الناس الذي يحب أن يؤتى عليه}رواه البخاري ومسلم

واخدين بالكم يا مسلمين :)

لو عاوز تدخل الجنه وتبعد عن الناااااااار ان شاء الرحمن بعد ايمانك برب العالمين واليوم الاخر على طووووووول
تؤتي الناس الذي تحب ان يأتوك عليه:)

عامل الناس كما تحب ان يعاملوووووك :)

ربنا يحبكم ويرضى عليكم جميعا يارب :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

السبت، مايو 28، 2011

ذات نهار :)

نشيد ذات نهار ..
نشي
د رااائع للاطفال ^^
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الجمعة، مايو 27، 2011

.

النهارده الجمعه يا شباب :)..

جمعه مباركه عليكم جميعا ياارب :)..
.

من فتره كده لقيت ناس قاعدين يقولوا محدش يقول جمعه مباركه لانها مش صح يا جماعه..

فقلت خير يا جماعه ايه الغلط فيها طيب؟؟..

فقاولولي انها مش سنه عن الرسول عليه الصلاه والسلام ولم تثبت انه قالها خالص..

وان بكده تكون بدعه ولعياذ بالله :(..

بيني وبينكم انا خفت وقلقت اوي وخصوصا كمان مخبيش عليكم اني مش بقولها دايما اصلا..

يعني هي مش عاده عندي اني كل جمعه قول للي حواليا جمعه مباركه ولا حاجه..

بس ميمنعش اني اعرف اذا كان فعلا قولها غلط ولا ايه..

دورت عالنت والحمد لله وصلت لرأي قلبي ارتاح ليه وحبيت انقلهلكم عشان نستفيد مع بعض :)..

الفتوي فعلا قالت انو لم يثبت ولم يصدر عن الرسول ولا حد من الصحابه او العلماء صحتها..

فبكده هي طبعا مش سنه ومينفعش نقولها لبعض كل يوم جمعه وتكون عاده عندنا..

لان لابدعه من شروطها اننا نحدد وقت معين لعمل معين..

بس كمان الفتوي قالت انو لو قلناها لبعض كل فتره مش شرط كل جمعه مفيهاش حاجه ان شاء الله..

والاهم ان يكون في نيتنا اننا مجرد بندعي لبعض بيوم كله خير وبركه مش باعتبارها سنه..

وطبعا انتوا عارفين ان النيه مهمه اوي يا شباب :)..

وعلشان كده انا قررت اقولكم النهارده جمعه مباركه عليكم وكلها خير ورحمه من الرحمن يارب :)..

بس بنيه اني بدعيلكم مش انها سنه ولا حاجه :)..

اتفقنا كده يا شباب ويا بنات؟؟؟..

اللي عاوز يقرا الفتوي ويتاكد بنفسه يدخل علي اللينك ده :)
http://www.islam2all.com/dont/dont/latnshor/213.html
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الخميس، مايو 26، 2011

.

عارفين بجد يا شباب ويابنات :)..

احلى احساس في الدنياااا انك تحس بحب اللي حواليك ليك :)..

وانهم فاكرينك ولو بكلمه بسيطه :)..

والاحلى بقى لما يكون الناس دول حبك ليهم ومعرفتك بيهم في الله :)..

يعني معرفه مفيش من وراها اي مصلحه دنيويه ولا غرض ..

اتجمعتم مع بعض على حب ورضا رب العالمين :)..

حاولوا بجد اد ما تقدروا تخلوا كل حبكم للناس اللي حواليكم حب في الله :)..

حتى جوزك.. ومراتك .. اخوكي ... واخوك... واصحابك ... وولادك :)

جدد نيتك من دلوقتي وقول بينك وبين نفسك..

اللهم اني اشهدك اني احب واعامل كل خلقك حبا فيك :)..

وعاهد نفسك انك اد ما تقدر تكون سبب في رسم بسمه وفرح لكل اللي حواليك :)..

ربنا يحبكم ويرضى عنكم جميعا يااااااااااارب :)..

ومتنساش دايما تدعي وتقول ..

اللهم ارزقنى حبك وحب من يحبك وكل عمل يقربنى منك ياااارب العالمين :)..

اتفقنا كده يا شباب ويا بناات؟؟؟..
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

احبك يا امي

يـــــــــ♥ــــــــــارب

انت الوحيد الذى تعلم مدى حبى لأمى ♥
و كم هى غالية فى قلبى
و مدى عجزى عن وصف مشاعرى تجاهها بكلمات

فأسألك اللهم يا حنّان ان تبارك لى فى عمرها
و تحفظها من كل سوء

و تظل بجوارى و اتنعم بحبها و حنانها
و رعايتها الدافئة لى

و ان تجمعنى بها فى جناتك
على سُرر متقابلين يوم ان نلقاك

و ان تُسعد قلبها
و تملأه بالراحة و السكينة

وان ترحمها كما ربتنى صغيرة و سهرت على راحتى
دون كلل او ملل
♥♥
أحبك أمى يا من رأيتنيى بقلبك قبل ان ترانى عيناكى
♥"""♥"""♥
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأربعاء، مايو 25، 2011

قالولى :)

قالولي انتي رجعية وبتفكري بفكر زمان

^_^ قلتلهم طيب وماله ماهو زمان ده فكر الاسلام

قالولي انتي معقده ومخليه الدنيا غامقه :(

^_^ قلتلهم انا مبساطاها خالص ومخليا ديني اولي

قالولي صوره مش اساس والحكايه بسيطه خالص :(

^__^ قلتلهم صورتي عنواني وبتوصف فكري ودماغي

قالولي لما انتي مش كوول !!ا

ولا حبه الاختلاط والتغيير !!ا

داخله ليه عالفيس والنت ؟؟

قلتلهم انا بنت مسلمة

وديني قالي اعرف وافهم كل جديد

اسلامي قالي كوني رمز وقدوه لكل بنت وولد

عرفيهم وفهميهم ايه معني الخلق والادب

صوره بروفايلي لازم تكون رمز لشخصي

ومينفعش تكون صوره ترضي عبد وبيها اعصي ربي

كوني غالية

كوني غير كل البنات :)
ببساطه
انا بنت مش عاديه انا مسلمه ♥
بقلمي :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

السبت، مايو 21، 2011

احساس غريب :D

.

من كتر ما بقعد قدام جهاز الكمبيوتر كتير مره جالي احساس غريب

تخيلت كده انو جهاز الكمبيوتر من كتر زهقه مني هينطق ويقولي ارحميـــني بقا شويه:D

بصراحه يا جماعه انا عذراه ماهو انا لو منه كان زماني نطقت من زمان :)

بس عارفين بقي بجد ...الاحساس ده لما جالي خلاني افكر في حاجات اهم بكتير من مليون كمبيوتر

عارفين فكرت في ايه ؟؟؟؟؟

فكرت اني بسبب الكمبيوتر بقصر في حق ناس كتييير قريبين ومسئولين مني :(

وبعدها قلت لنفسي يعني انا حسه انو تقصيري في حق اقرب الناس ليا غلط كبير وانهم اهم حاجه في حياتي؟؟؟

طيب ما انا زي ما بفكر في حق ولادي وبيتي وجوزي واهلي عليا كده وبحاسب نفسي علشانهم دايما وكتير

ليه مش بفتكر تقصيري في حق رب العالمين كتير كده ؟؟؟

ده هو سبحانه اولي واهم من اي مخلوق علي وجه الارض

انا ايوه اكيد بيجي عليا وقت بفتكر وبحس اني مقصره

بس ليه مبحاولش ادي للاحساس ده حجمه الحقيقي؟؟؟؟

بصراحه اخواني واخواتي انا حسيت اني حد وحش اوي بجد :(

وقررت اني اعمل لنفسي حساب يومي

يعني كل يوم بالليل وانا عالسرير قبل ما انام اراجع كل حساباتي :)

ولو لقتني مقصره في حق ملك الملوك اول حاجه استغفره وادعي كتيييير انه يسامحني ويهديني

وتاني حاجه اني ازود في الحاجه اللي انا قصرت فيها سواء ذكر كتير او قراءه قراءن او صدقه او حتي ابتسامه في وجه اخواتي في الله :)

ايه رايكم تعالوا نجرب الفكره ديه مع بعض  :)

ونخلي همنا الاول في حياتنا هو ارضاء رب الناس وعدم التقصير في حقوقه علينا :)

وبرضوه منقصرش في حق الناس القريبين مننا بس اي حاجه تيجي بعد حق ربنا سبحانه وتعالي :)

تمام كده يا حلوين؟؟؟ :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الجمعة، مايو 20، 2011

نفسي :)

.


نفسي كل الناس تعمل حساب غيرها زي ما بتعمل حساب نفسها :(


كل واحد بيشوف نفسه هو اللي مظلوم ويمكن كمان يحس انو صاحب حق


ويتهم غيره بسؤ النيه وانو للاسف نظرته اتغيرت فيه !!!!


لحظه بس كده لو سمحت .. هو مين اللي قرر كل ده وحكم بيه؟؟


مش هو انت نفسك برضوه..اللي هو انت اصلا طرف في الحكايه او المشكله؟؟


طيب ومنين اديت لنفسك الحق انك تحكم وتقول ان غيرك هو اللي غلطان؟؟


لا وكمان انك صاحب فضل عليه وسامحته علشان ميشيل ذنب !!!


هو احنا ليه بنفكر كده؟؟؟


ليه مبنحطش نفسنا مكان غيرنا.. ونفكر لدقايق من منطق اللي قدامنا؟؟


مش يمكن هو عنده حق؟؟


او يمكن انت خانك التعبير او اللفظ؟؟


طبعا كتير منكم مش فاهم كلامي كويس :(


بس انا مش بألف صدقوني .. انا حسه بجد ان الانسان مبقاش يفكر غير في نفسه :(


وللاسف كلنا او معظمنا نسينا قو الحبيب المصطفي عليه الصلاه والسلام


عن أبي هريرة رضي الله عنه أن رسول الله صلى الله عليه وسلم قال إياكم والظن فإن الظن أكذب الحديث ولا تحسسوا ولا تجسسوا ولا تنافسوا ولا تحاسدوا ولا تباغضوا ولا تدابروا وكونوا عباد الله إخوانا كما أمركم المسلم أخو المسلم لا يظلمه ولا يخذله ولا يحقره التقوى ههنا التقوى ههنا ويشير إلى صدره بحسب امريء من الشر أن يحقر أخاه المسلم كل المسلم على المسلم حرام دمه وعرضه وماله إن الله لا ينظر إلى أجسادكم ولا إلى صوركم وأعمالكم ولكن ينظر إلى قلوبكم وفي رواية لا تحاسدوا ولا تباغضوا ولا تجسسوا ولا تحسسوا ولا تناجشوا وكونوا عباد الله إخوانا وفي رواية لا تقاطعوا ولا تدابروا ولا تباغضوا ولا تحاسدوا وكونوا عباد الله إخوانا وفي رواية لا تهاجروا ولا يبع بعضكم على بيع بعض رواه مسلم بكل هذه الروايات وروى البخاري أكثرها


بس في حاجه مهمه برضوه عاوزه اشير اليها يا شباب ويا بنات


مش معنى ان اخوك او صاحبك فهم كلامك غلط انو كده بيسئ الظن بيك ..


ومفروض نقدر اصلا صراحته معانا وانوا مشالش بغضاء في قلبه وخباها عليك


بصوا انا هبطل رغي وكلام كتير مش مفهموم اهو وهقولكم المفيد :)


يلا بينا لو سمحتوا نجدد نيتنا مع بعض كلنا دلوقتي :)


ونقول من قلوبنا اللهم اني اشهدك اني سامحت كل خلقك فيك :)


ايوه سااامح علشان رب العباد يسامحك :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأحد، مايو 15، 2011

صباح الخير ...


آللهم " صَبّحْ " , آحبتي
بـ قلب منشرح , . وهم منفرج !
وسعآدة تغمرهم , . و رزق ينفعهم , .
وصحة يشكرونك عليهآ
آللهم آمييين . .

صباكحم معطر بذكر الرحمن
اذكروا الله عباد الله
لا اله الا الله محمد رسول الله

اختكم في الله
قلـ♥ـب تائب

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأربعاء، مايو 11، 2011

وما كنت وحدي يوما يا الله وانت معي

.
وما كنت وحدي يوما يا الله وانت معي

عارفين المقوله ديه يا شباب ويا بنات

بفتكرها كتير اوي بما اني في غربه يعني :(

بجد بجد الغربه ديه احساس وحش اوي :(

وخصوصا لما ميكونش ليك اختلاط او معرفه بناس كتير

بس عارفين اد ما الغربه ديه ليها اضرار كان ليها عليا اهم منفعه في حياتي :)

والله العظيم الكلام ده بجد اوي ومن قلبي :)

عارفين ان كل ما الواحد يحس انو لوحده بيقرب فعلا اكتر واكتر من ربه :)

وكل ما بيقرب من ربه بيحس انو عمره ما كان ولا هيكون لوحده :)

مش هنكر ان الواحد بيعدي عليه اوقات ضيق وزهق

بس الاهم ان كل الاحاسيس الوحشه ديه بترووح مجرد ما تفتكر ربك حبيبك:)

سبحانك ياربي ما اعظمك واكرمك وارحمك :)

في عز الخنقه والضيق مجرد ما تقول يااااااارب ..

سبحانه وتعالي بيلبي نداك واكتر ما انت تتصور بيكون معاك :)

وبجد بيكون اروع واجمل احساس في الدنيا وانت بتيكي بين يدي الرحمن

تشكيله شويه من همومك وتدعيله شويه انو يهديك ويغفرلك

وتقوله بحبك اوووي يا ربي وخليك دايما معايا

ياااااااااااااااااااااااااااااه ...بجد احلى متعه واحلى احساس :)

ربنا ما يقطع عنكم ابدا لذه القرب منه ومناجاته ياااارب :)

خليك دايما قريب من ربك تلقي الخير والفرح فى قلبك :)

ومتنسووووش كل المسلمين والمسلمات الاحياء منهم والاموات بالدعاء بالمغفره والرحمه :)


بقلمي ومن تصميمي اختكم في الله
قلـ♥ـب تائب
ممكن تعمل للموضوع شير في الخير :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الاثنين، مايو 09، 2011

بحبك يارب

.

لما بتكون جعاان ايه اول اكل بتفكر فيه؟؟ :)

طبعا كل واحد مننا بيفكر في اكتر حاجه بيحبها :)

عارفين من شويه حسيت اني جعانه اوي وافتكرت اكتر اكله بحبها وقلت نفسي فيها :D

بس وانا بفكر فيها كده جه في بالي حاجه اهم بكتير اوي :)

قلت لنفسي هو ليه الواحد مش بيفتكر الحاجه اللي بيحبها اوي غير لما يحتاجلها؟؟

يعني احنا بنفتكر الاكل اللي بنحبه وقت ما نجوع اوي

طبعا ولله المثل الاعلى :)

قلت لنفسي ليه الواحد مش بيفكر يقرب من ربنا غير لما يحتاجله اوي :)

او يحس انو في ضيق اوعنده كرب او هم  ؟؟؟

بجد حسيت اننا مقصرين اوووي وغلطانيين جدا في الحكايه ديه :(

مش صح يا شباب ويا بنات اننا نلجأ لرب العالمين ونفتكره في وقت حزننا وهمنا بس

المفروض اصلاااااا نفتكر رب العالمين طوووول الوقت :)

عارفين لو كل واحد مننا حط في دماغه ان وظيفته الاساسيه في الدنيا ديه هي ذكر الله وطاعته كلنا هنرتاااااح اوي بجد :)

نعيش حياتنا بكل ما فيها ونضحك ونخرج ونشتغل ونصلي ونتكلم ونصوم ونفرح ونتصدق  ونعيط وكل حااااجه

بس نكون محددين هدفنا :)

 اللي هو
.
.
( قل إن صلاتي و نسكي و محياي و مماتي لله رب العالمين)ا

والله لو عملنا كده هنحس اننا دايما في معيه وحفظ الرحمن :)

ماهو اكييييد كلنااا بنحب ربنا اووووووووووي ونفسنا في قربه ورضاه علينا :)

وربك حبيبك بيقول
قال رسول الله صلى الله عليه وسلم : ((‏ قال الله عز وجل أنا عند ظن عبدي بي وأنا معه حيث يذكرني والله لله أفرح بتوبة عبده من أحدكم يجد ضالته بالفلاة ومن تقرب إلي شبراً تقربت إليه ذراعاً ومن تقرب إلي ذراعاً تقربت إليه باعاً وإذا أقبل إلي يمشي أقبلت إليه أهرول ))‏ ‏.
 رواه البخاري ومسلم ، وهذا لفظ مسلم .

يعني الحل في ايدينااااا احنا :)

قرب من ربك شبر هيقرب منك ذرااااااع :)

سبحانك ربي ما ارحمك واكرمك :)

ها يا شباب ويا بنات ايه رايكم من دلوقتي نجدد نيتنا ونقول  وهبت كل حياتي ونسكي ومحياي ابتغاء مرضاه رب العالمين :)

ربنا يرضى عنكم جميعا ويرضيكم ياااارب :)

ومتنسوووش كل المسلمين والمسلمات الاحياء منهم والاموات من دعائكم بالمغفره والرحمه :)

بقلمي اختكم في الله
قلـ♥ـب تائب
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

يا رب خدني وريحني بقي :(

يا رب خدني وريحني بقي :(

نفسي اموت وارتاح من اللي انا فيه :(
...
ليه بس يا ربي كده :(

الجمل ده بنسمعها كتيير للاسف من ناس حوالينا :(

ويمكن يكون مننا اللي بيقولها وقت ضيقه او زعله :(

بس تفتكروا اصلا الكلمات والجمل ديه صح نقولها؟؟؟

لو ركزتوا في معني الجمل والكلام هتلاقوا فيهم ولعياذ بالله

اعترااااض علي قضاء وامر الله :((

طيب بالله عليكم ده ينفع؟؟؟

مهما كان اللي حصل او مهما كان حجم المشكله

في حاجه تستاهل انك تعترض علي قضاء رب العالمين؟؟

ماهو اللي انتي معترض عليه ده وحاسس انه شر ربك هو اللي ابتلاك بيه :)

وابتلاء ربنا ليك في كل الاحوااااال خير ليك :)

ما هو اصل رب العالمين مش بيبتلي غير عبده اللي بيحبه :)

ايوه علشان بيحب يسمع صوت عبده وهو بيتقرب منه وبيدعيع من قلبه :)

يبقي ربك بيبتليك علشان عاوزك تقرب منه وانت تزعل وتتمني الموت؟؟؟

وبعدين ايه عرفك اصلااا ان الحاجه ديه لو كانت حصلت زي ما انت عاوز كانت هتبقي فيها خير ليك ؟؟

مش الاكيد ان ربك بيبعد عنك كل اللي فيه شر واذي ليه وبيكتبلك اللي فيه خير ومصلحه ليك؟؟

بلاااش نتسرع ونحكم من منظورنا وعلمنا الضيق بالامور

وخلينا عارفين دايما ان كل اللي كتبهولنا ربنا حبيبنا كله خير:)

ومحدش ابدا ابدا يتمني الموت او يقول لبه بس كده ياربي :)

وقت المشكله او المصيبه لازم نقول الحمد لله رب العالمين :)

راضي يا ربي بقضاءك وبحكمك وامرك مهما يكون :)

رب العالمين بيقول في كتابه العزيز
"وَمَا خَلَقْتُ الْجِنَّ وَالإِنسَ إِلاَّ لِيَعْبُدُونِ"

يعني احنا اصلا اتخلقنا في الدنيا علشان نعبد ربنا ونمتثل لاوامره مش عشان نعصيه :)

وكمان في ايه كريمه بتقول
(قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ)ا

يعني انا وانت وهو وهي المفروض دايما نجدد نيتنا في حياتنا كلها انها لله رب العالمين :)

وكل اعمالنا وحتي وفاتنانتمناها تكون بالشكل اللي يرضي رب العالمين :)

ها بقي يا شباب ويا بنات هنحاول دايما نفتكر الكلام ده قبل ما نقول اي جمله من الجمله الوحشه ديه؟؟

ربنا يحبكم ويرضي عنكم جميعا يارب :)

بقلمي ومن تصميمي :)
اختكم في الله
قلـ♥ـب تائب
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأحد، مايو 08، 2011

يوما بعد يوم

.

ويوما بعد يوم يزداد يقيني ^^

بانك وحدك من يحتويني ^^

بحثت كثيرا دون جدوي ^^

وكيف اجد وانت وحدك سبيلي ^^

اخطأت يوم اعتقدت اني ^^

في بعدي عنك سأجد راحتي ^^

لن اجد غيرك يغفر ذلاتي ^^

ويسمع مني شكوايا وحنيني ^^

سامحني ربي واقبل قلبي ^^

فهو قلب تائب أتاك يناجيك ^^

يقول اشهد بانك ربي ^^

ويدعوك بذل وخشوع وحنين ^^

اترده ربي خائبا منكسرا ؟؟^^

حاشاك ربي يا ارحم الراحمين ^^

فظني فيك يا سندي جميل ^^

احبـــــك ربـــــي يا خالق الكون ^^

وبك احتمي من كل ما يأذيني ^^

ويوما بعد يوم يزداد يقيني ^^

بانك وحدك من يحتويني ^^


بقلمي :)
ممكن تعمل للموضوع شير في الخير ^^
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

ابتسم قلبي

.

ابتسم قلبي ^^

ابتسم قلبي فأنت تحيا .. في كون خالقه الرحمن^^

لا تقل ابدا كلمه يأس ... ولا تسمع للشيطان^^

فالحب حيـــاه ... والحياه هي الانسان^^

فكن انت الحب ... لأكن انا هذا الانسان ^^

انسان يحيا بالحب .. وبرحمه خالق الاكوان ^^

بقلمي ومن تصميمي ^^

اختكم في الله
قلـ♥ـب تائب
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأربعاء، مايو 04، 2011

قالولـــــي :)

.

قالولي انتي رجعيه وبتفكري بفكر زمان

^_^ قلتلهم طيب وماله ماهو زمان ده فكر الاسلام...
......
قالولي انتي معقده ومخليه الدنيا غامقه :(

^_^ قلتلهم انا مبساطاها ومخليا ديني اولي

قالولي صوره مش اساس والحكايه بسيطه خالص :(

^__^ قلتلهم صورتي عنواني وبتوصف فكري ودماغي

قالولي لما انتي مش كوول !!ا

ولا حبه الاختلاط والتغيير !!ا

داخله ليه عالفيس والنت ؟؟

قلتلهم انا بنت مسلمه

وديني قالي اعرف وافهم كل جديد ^_^

اسلامي قالي كوني رمز وقدوه ^_^

لكل بنت او ولد

عرفيهم وفهميهم ايه معني الخلق والادب :)

صوره بروفايلي لازم تكون رمز لشخصي :)

ومينفعش تكون صوره ترضي عبد وبيها اعصي ربي :)

ومش هشيل ذنب اني اكون فتنه لاخ ليا في الاسلام :)

كوني غاليه

كوني غير

كوني غير كل البنات

ببساطه انا بنت مش عاديه

انا بنت مسلمه

بقلمــى
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓