قلـ♥ـب تائب

الاثنين، أبريل 23، 2012

انسى همومك وخلى ظنك بربك حبيبك خير وقول يااااارب ♥

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأربعاء، فبراير 22، 2012

حاسس انها ضااااقت اوي ؟؟

.
حاسس انها ضااااقت اوي ؟؟ :(
وانك من كتر همك وضيقك
مش لاقي لقلبك مخرج من حزنه :(

مهما كانت المشكله متيأسش :)
وافتكر وقتها ان ليك رب كريم ♥

وان مهما خذلوك البشر او معرفوش يفيدوك
ربك وحده قااادر وف ايده مفاتيح كل الابواب :)

بس انت توكل عليه وفوض كل امرك ليه ♥
وصدقنى مش هتلاقي احن منه سبحانه عليك ♥

مهما كان حجم ضيقك وزعلك وخنقتك
استغفر كتيـــر وادعي من قلبك بالفرج القريب :)

صدقني الاستغفار ده دوا لحاجات كتييير اوي
اقرا كده معايا :)

{اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح ـ12]

{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].

{اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3]

{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال].

ايه رايك بقى؟؟؟؟ :) في احسن من كدا علاج لضيقك وزعلك ؟؟ :)
وكمان لما تفوض امرك لله من قلبك وتستشعر ان كل احوالك بامره سبحانه
هتحس انك مطمن ومش قلقان من بكره ولا شايل همه
لانه بين ايدين الكريم اللي مفيش احن ولا اكرم منه عليك :)

ممكن بقى نجدد مع بعض النيه ونقول من قلوبنا

استغفر الله الذى لا اله الاهو الحي القيوم واتوب اليه
حسبى الله لا اله الا هو عليه توكلت وهو رب العرش العظيم
يا حي يا قيوم برحمتك استغيث اصلح لى شأنى كله ولا تكلنى الى نفسي طرفه عين
فوضت امرى لمن بيده ملكوت كل شئ
♥

ربنا يحبكم جميعا ياااارب ويرضى عنكم :)

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأربعاء، فبراير 08، 2012

خليك عبد شكور :)

.

معتقدش في حد في الدنيا ديه كلهاااا ضامن الجنه
اكتر من حبيبي وحبيبك عليه افضل الصلاه والسلام :)
بس تخيلوا بقي برغم انه ضـــامن ومتـــأكد من رضا رب العالمين عليه
ومن انه اشرف خلق الله واحبهم عنده سبحانه وتعالي

الا انه عمره ما قصر في قيام الليل :)
لا وايه كمان...مكانش بيصلي زي ما كتير مننا بيعملوا ركعتين كده في السريع :D

لا والله ...الحبيب عليه افضل الصلاه والسلام كان بيقيم الليل لحد ما رجله تورم :)
فداك ابي وامي ونفسي وكل ما املك يا حبيبي يارسول الله :)

اسمعوا معايا كده الحديث الشريف ده وبعدين نكمل كلامنا :)

عن عائشة رضي الله عنها: كان النبي صلى الله علية وسلم يقوم من الليل حتى تتفطر قدماه، فقلت له: لم تصنع هذا يا رسول الله وقد غفر لك ما تقدم من ذنبك وما تأخر؟ قال: أفلا أكون عبداً شكوراً؟.متفق عليه

اللهم صل وسلم وزد وبارك عليك يا حبيبي يا خير خلق الله يا رسول الله

بالله عليكم يا مسلمين في كده في الدنيا؟؟؟؟؟
طبعا في منكم اللي هيقولي ايوه بس سيدنا محمد ده رسول ومحدش مننا يقدر يبقي زيه

هقولك طبعا واكيد محدش مننا هيقدر يبقي حتي نصه ... بس نحاول نقتدي بيه :)
يا جدعان ده احنا حتي مش ضامنين اي حاجه :(

مين مننا مش مليان ذنوب ومعاصي ؟؟؟
مين مننا مش محتاج يتووب ويستغفر؟؟؟

وفوق ده كله بقي... مين مننا مش مفروض يكون عبد شكور؟؟؟
ايوه كلنا لازم نشكر ربنا سبحانه وتعالي علي نعمه الكتيـــــــر اوي علينا :)

مهما قلتلي عندك من مشاكل وهموم عمرها ما هتساوي ربع نعمه سبحانه وتعالي عليك

بص كده حواليك وانت قاعد في بيتك وليك اهل وناس يسألوا عليك :)
وفي غيرك يا عيني مش لاقي سرير حتي ينام عليه :(

بص لنفسك وجسمك وشوف ايديك اللي بتكتب بيهم دووول وعينيك اللي بتشوف بيهم
ورجليك اللي الحمد لله بتمشي عليهم :)

مش محتاجين اكيد اقولكم اني في غيرنا كتير معندهمش كل النعم ديه
يبقي بالله عليك مش المفروض تكون عبدا شكورا؟؟؟

عاوزين نقتضي بحبيبنا ورسولنا عليه الصلاه والسلام
ونواظب دايما على صلاه القيام :)

بس مش ركعتين كده في السريع ;)
خلينا منحددش عدد الركعات ..ونصليها في خشوع ورهبه من الرحمن :)
وننوي بيها التقرب والاستغفار والتوبه لرب العباد :)

ومتنسووووش كالعاده ندعي لكل المسلمين والمسلمات الاحياء منهم والاموات بالمغفره والرحمه :)

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الجمعة، فبراير 03، 2012

فــــــــــــوقــــــــــــوا يا مصــريين :(

.

فــــــــــــوقــــــــــــوا يا مصــريين :(
ايــــوه انتـــوا المقصوديــــــــــن :(

عاوزين يفرقونا وعن بعض يبعدونا :(
وللاسف نجحوا في بعض يكرهونا :(

فوقوا بالله عليكم :(
وايد واحده خليكم

البلطجي لااازم يتحااااسب :(
والمتأمر لاااازم يتجاااااااااب :(

بس احنا مينفعش نكره بعض :(
ولا نتقسم جوه بلدنا ونخطط لبعض :(

متخلهمش يفرحوا فينا :(
وينجحوا في اللي بيخططوه لينا :(

وعن حقنا وثورتنا يبعدونا
لااازم نفضل وافقين
وبحقوقنا متمسكين

ومتخافوش يا مصريين
مصر هتفضل بينا ولينا
طول ما احنا ايد واحده مع بعضينا

يارب احفظ بلدي واهلى
وارحم كل اللى راحوا وصبر اهاليهم :(

حسبي الله ونعم الوكيل
عليك وحدك تكالنا يا رب العالمين
وانصرنا ورد كيد الكائدين يا كريم

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأحد، يناير 29، 2012

بقالك اد ايه بعيد؟؟

بقالك اد ايه بعيد؟؟

مش مهم اد ايه المهم نويت ترجع ولا لسه؟؟ :)

انا عارفه انك تعبان وجوه قلبك هموم تهد جبال :(
متقلقش :) ده طبيعي على فكره :)

ماهو طول ما انت بعيد عن ربك الكريم
لازم تحس بخنقه وزهق رهيـــب :@

بيني وبينك ومش هخبى عليك
انا كمان تعبت اوي من بعدي عنه :(

وبصراحه كتير حاولت اتجاوز احساسي
واعمل ان الدنيا عادي واني مبسوطه

بس بصراحه !!!
اللي يجرب لذه القرب منه سبحانه وتعالى
عمره ما بيحس براحه ولا فرحه قلب بجد وهو بعيد عنه

على فكره انا قررت ارجع وعلى نفسي وشيطاني اقدر :)
ايوه واثقه من حالي لاني هخلى عليه سبحانه تكالى :)
وعارفه انه عمره ما هيردني وانا بطلب عفوه وقربه وغفرانه :)

ماهو سبحانه وتعالى بيقول
عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة )
رواه البخاري و مسلم

سبحانك ربي ما ارحمك واحلمك واكرمك ♥

ايـــه رأيك نبدأ مع بعض ونجدد توبتنا ونيتنا؟؟
طيب يلا قول بقلبك
(استغفر الله الذى لا اله الا هو الحى القيوم واتوب اليه)
(توبت اليك ربي وندمت على كل معصيه وذنب )
(ربى اغفرلى واهديني لما تحب وترضى )

ربنا يتقبل منكم جميعا يااااااااااارب ♥

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الخميس، يناير 26، 2012

انا بنت مش عاديه انا مسلمه♥

.

قالولي انتي رجعيه وبتفكري بفكر زمان

قلتلهم طيب وماله ماهو زمان ده فكر الاسلام

قالولي انتي معقده ومخليه الدنيا غامقه

قلتلهم انا مبساطاها ومخليا ديني اولي

قالولي صوره مش اساس والحكايه بسيطه خالص

قلتلهم صورتي عنواني وبتوصف فكري ودماغي

قالولي لما انتي مش كوول

ولا حبه الاختلاط والتغيير

داخله ليه عالفيس والنت ؟؟

قلتلهم انا بنت مسلمه

وديني قالي اعرف وافهم كل جديد

اسلامي قالي كوني رمز وقدوه

لكل بنت او ولد

عرفيهم وفهميهم ايه معني الخلق والادب :)

صوره بروفايلي لازم تكون رمز لشخصي :)

ومينفعش تكون صوره ترضي عبد وبيها اعصي ربي :)

ومش هشيل ذنب اني اكون فتنه لاخ ليا في الاسلام :)

كوني غاليه

كوني غير

كوني غير كل البنات

ببساطه انا بنت مش عاديه

انا بنت مش عاديه انا مسلمه ^_^

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓