.
فتح الباب بالراااحه ودخل على طراطيف صوابعه علشان محدش يحس انو راجع متأخر !!
دخلت الحمام الساعه 3 بالليل وعملت الموبايل سايلنت علشان محدش يسمعه وهو بيرن لما يتصل صاحبها !!
دخل اوضته وقفل الباب بالمفتاح وفتح النت وشغل فيلم .... !!!
استنوا ثواني كده بس معلش
انتوا بتداروا من مين؟؟
قصدي يعني خايفين مين يشوفكم وانتم بتعملوا الغلط؟؟
اكيد انت خايف من ابوك انو يعرف انك رجعت البيت متأخر بعد سهره مليانه بالذنوب :(
وانتي خايفه امك تسمعك وانتي بتتكلمي في التليفون او تعرف انك مصاحبه :(
وانت خايف اختك او اخوك الصغير او حد من عيلتك يعرف انك بتشوف افلام اباحيه :(
بيني وبينكم عندكم حق تداورا ماهي فعلا حاجه تكسف وميصحش حد يعرفها ولا يشوفها :(
بس على فكره بقى في اللي اهم من كل دوووول شايفك وعارف كويس انت بتعمل ايه:(
ايوه ربنا سبحانه وتعالى مش بيخفى عليه حاجه ولا هينفع تدارى منه ولا تستخبى :(
طيب انت بقى خايف من الناس ومش خايف من رب الناس؟؟؟؟!!!
عامل حساب انسان زيك زيه كل اللي في ايده انوا يزعقلك او حتى يخاصمك او بالكيتر يضربك او شكلك يكون وحش قدامه؟؟
ويا ترى بقى هتعمل ايه يوم الحساب؟؟
ايوه يوم ما كل حاااجه عملتها في الدرا واستخبيت من الناس واستخبيت وانت بتعملها
تلاقيها مكتوبه في كتابك اللي مش هيسيب صغيره ولا كبيره :(
هتداارى من ايه ولا ايه وقتها؟؟؟
واد ايه هتكون مكسوف من نفسك ونفسك الارض تنشق وتبلعك ومش عارف ترد بايه على ربك وهو بيقولك كنت بتدارى من الناس وخايف منهم ومخفتش من يوم لقايا :(!!!
انا عارفه ان كلنا بشر يا شباب واكيد بنغلط بس الاهم اننا نكون عارفين كويس ان ربنا اهم من اي حد واننا قبل ما نغلط نكون عارفين انو سبحانه شايف ومطلع ومش هينفع نستخبى منه :(
علشان كده يا شباب لااازم نجدد نوايانا دايما ونتووووب ونستغفر لربنا سبحانه وتعالى من كل ذنب ومعصيه عملناهم بقصد او بدون قصد :)
وكمان منيأسش ولا نقول انا غلطاتي كتير ..ربك اكبر وارحم بكتييييييييييييير :)
اتفقنا كده يا مسلمين؟؟ :)
يلا مع بعض نقول
استغفر الله الذي لا اله الا هو الحي القيوم واتوب اليه
ونكون دايما عارفين ان ربنا حبينا شايفنا ومطلع كل اعمالنا :)
ربنا يهديكم ويرضى عنكم ويرضيكم جميعا ياااااااااااارب :)
من فضلك انضم لصفحتنا الجديده على الفيس بوك ↓↓
ليست هناك تعليقات:
إرسال تعليق
قال تعالى( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )