.
يا ليله العيد انستينا وجددتي الامل فينا :)
وبغض النظر اني هلاقي الكثير من الانتقادات اللي هتقولي الاغاني حرااااااام :D
بس بصراحه مقدرش اكذب واقول اني مبسمعهاااش كل عيد :)
ولا اني بحس بطعم العيد غير لما اسمعها ليله الوقفه :)
وصلاه العيد الصبح بدري وسط الاهل والجيران والاحباب :)
والبمب والصواريخ والاطفال اللي ماليين الشوااارع من الساعه 7 الصبح !!!
ووقت الدبح وكل العيله ملمومه حوالين الاضحيه وهي بتتدبح :)
وشكل المسلمين وهما بيفرقوا الاضحيه على جيرانهم وحبايبهم وكل محتاج :)
وكل ما تعدي على حد تلاقيه بيقولك كل سنه وانت طيــــــــب اتفضل معانا :)
كـــــــــــل ده اول ما تسمع حد بيحكيه او بيتكلم عنه اعرف واتأكد انـــه مصـــري :)
اصل بصراحه ومع احتراااامي لكل اشقائنا العرب ..
عمري ما شفت مظاهر الاحتفال والفرحه الكبيييره بالعيد زي ما بتكون في مصر :)
وده بجد حسيته بعد ما بعدت عن بلدى واغتربت في دوله عريبه :)
اد ايـــــــــــه بفتقد زحمه الشواااارع ولعي الاطفال :D
وصوت البمب والصواريخ اللي بتتحدف عليك من البالكونات وانت ماشي :D
هـــي ديه مصـــر .. ايوه هي ديه مصر بخيرها واهلها ووشعبها :)
كل سنه وانتوا طيبين يا مسلمين في بقاع الدنيا :)
وكل سنه وانتي طيبه يا امي ويا كل اهل بلدي ♥
كل سنه وانتي طيبه ودايما مختلفه يا ام الدنيــــا ♥
من فضلك انضم لصفحتنا الجديده على الفيس بوك ↓↓
ليست هناك تعليقات:
إرسال تعليق
قال تعالى( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )