الأربعاء، أبريل 20، 2011

قرب ومتقلقش

.

قرب ومتقلقش .. ديه وصفه متجربه ^^

محدش منها تعب .. ولا حد صابه الم ^^

كل اللي جرب قال .. يارب زيدني كمان ^^

انا اصلي مجرباها .. وعنها مستغناش ^^

وعشان عاوزالك الخير .. نفسي تجرب اواااام ^^

صدقني يا ابن ادم .. ده القرب منه اماااان^^

عمري ما حسيت براحه .. اكتر من وانا معاه ^^

هو وحده اللي بايده .. الراحه والاطمئنان ^^

ماهو اللي قالنا.. اذكروني تلاقوا الامان ^^

صدقني ياصاحبي عمرك..ما هتلقي احن منه ^^

ولا غيره يسمع شكوتك ..ويحققلك امانيك ^^

هو الواحد الاحد .. هو الفرد الصمد ^^

هو الغفور الرحيم..هو السميع العليم ^^

هو الكريم المجيب ..هو الرؤف الرحيم ^^

هو حبيبي وحبيبك ..ربي ورب العالمين ^^

قرب منه وسلم .. نفسك بس ليه ^^

هتلقي قلبك يطيب .. وكل الخير حواليك ^^

وقوله بحبك ياربي .. ومنايا بس ارضيك ^^

وتكون عني راضي .. وتهديني دنيا ودين ^^

ده احساسي من قلبي .. ولازم تجربووه ^^

علشان نبقي فعلا .. امه اشرف الخلق اجمعين ^^

ونستحق شفاعته .. وشربه هنيئه من ايده الشريفتين ^^

يــــــــارب حققهلنا .. واكتبنا من عبادك المقربين ^^
.
.
.

بحبكم في الله ^^
بقلمي ومن تصميمي :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

قل لن يصيبنا إلا ما كتب الله لنا



الحياه قدامنا كبيره وطرقها كتيره ومختلفه..

والشاطر فينا هو اللي يختار الطريق الصح

في ناس اختارت طريق الشيطان وللاسف ضحك عليهم واتمكن منهم :(

و نسيوا دينهم وبدلوا حياتهم اللي اساسها طاعه ربنا سبحانه وتعالي

وبقي اكبر همهم الدنيا ومتعها.... اللي هي في الاخر فانيه :(

عارفين يا جماعه اصلا ربنا سبحانه وتعالي خلقنا ليه؟؟؟؟؟

ملك الملوك جل في علاه خلقنا علشان نعبده ونذكره دايما

وجعل لنا الدنيا وسيله علشان نعيش فيها ونحمده سبحانه علي نعمه علينا

ماهو سبحانه وتعالي بيقول

وما خلقنا الجن والانس الا ليعبدون

علشان كده اخواني واخواتي عاوزين نفكر كويس اووووي قبل ما نختار طريقنا وهدفنا

عاوزين نخلي طريقنا هو السعي لرضا ربنا علينا وهدفنا هو الجنـــــــــه

ايوه الجنه...ربنا يكتبهالنا كلنا بدون سابقه عذاب او حساب يااااااااارب

وعلشان نوصل للجنه لازم نمشي في طريقنا الصح

اسمعوا معايا كده الحديث ده

قال النبي صلى الله عليه وسلم لا تزول قدما عبد يوم القيامة حتى يسأل عن خمس عن عمره فيم أفناه ؟ وعن شبابه فيم أبلاه وعن ماله من أين أكتسبه وفيم أنفقه ؟وماذا عمل فيما علم

يعني يا شباب عاوزين نخلي لحظه وثانيه بنعيشها تكون في طاعه الله :)

نشتغل بضمير.. ونذاكر بضمير ...ونفيد غيرنا باللي اتعلمناه...ونكسب فلوسنا بالحلال ...ونفكر في كل عمل قبل ما نعمله ياتري ربنا راضي عنه ولا لاء

خلونا دايما ندعي ونقول اللهم اعنا علي ذكرك وشكرك وحسن عبادتك

واهدنا لما تحب وترضي يا ارحم الراحمين

خلي دايما هدفك واضح ومحدد قدامك :)

انا عايش علشان بستعد لحياتي الاهم :)

بشتغل وبسعي وبحب وتجوز وبلعب وبفرح واوقات كتير بزعل

بس مش بنسي ان حياتي دنيا فانيه والاهم هو رضا ربي عليا في الدينا والاخره :)

اتفقنا يا شباب ويا بنات ^^


بقلمي ومن تصميمي :)


****************
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

ان مع العسر يسرا

.


اوقات بتحس انك مخنوق اوي ومهما حكيت لاقرب الناس ليك

...برضوه متضايق ومشكلتك اكبر من انك تحكيها؟؟؟

وساعات بتحس انو خلاص الحكايه كده قفلت وملهاش حل ؟؟؟

عارف ليه بتحس كده؟؟؟؟

لان لما بتكون في هم وكرب بتقول يارب عندي هم كبير

وللاسف مش بتقول يااااااااااااااااااا هم عندي رب كبير

عارف ايه الفرق بينهم؟؟ والله الفرق بينهم كبيييييير اوي

الفرق انك لازم تكون واثق ومتاكد ان ربنا سبحانه وتعالي قادر يحلهالك

وانه مهما كان ابتلائك شديد تكون عارف انه حب وخير من ربك ليك

ايوه طبعا حب وخير :)

انت مش عارف ان ربنا مش بيبتلي غير عبده اللي بيحبه؟؟

لانه بيكون عاوز يسمع صوتك وانت بتدعيله وانك تحس اد ايه انت محتاجه

ولا انت نسيت قوله سبحانه وتعالي

واستعينوا بالصبر والصلاه؟؟؟ صدقت يا ارحم الرحمين :)

بلاش تشيل هم الدنيا كله فوق دماغك :)

واتأكد ان طول ما عندك ايمان وثقه بالله ان شاء الله مشكلتك هتتحل

ومتنسوووش يا اخواني قوله تعالي

إن مع العسر يسرا

يعني ربنا سبحانه وتعالي لما بيدينا الابتلاء وبنحس ان ديه اقصي درجات العسر

بيكون بعدها علي طول ان شاء الله فرج وفرح كبير :)

خلي عندنا ثقه في الله سبحانه وتعالي وخلينا متاكدين ان الابتلاء ده

حب من ربنا لينا وانه عاوزنا نفتكره ونذكره ونستغفره كتير :)

واعرف دايما انك احسن من غيرك بكتيييييير :)

بقلمي وتصميمي :)

اختكم في الله

قلـ♥ـب تائب
(h)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأحد، أبريل 17، 2011

.
بقي ده اسمه كلام؟؟


...شويه تقول حاسس اني لوحدي

وشويه تقول انا تعبان وزهقان

وشويه تقول مخنوق وملان

بقي ده اسمه كلام؟؟



شايل هم الدنيا بحالها ليه؟؟

هو مفيش غير في الكون ولا ايه؟؟

قافل علي نفسك الدايره كده ليه؟؟

بقي ده اسمه كلام؟؟



الدنيا كبيره والناس فيها كتيره

منهم الطيب والصالح ومنهم اكيد الغير صالح

ليه باصص دايما ومركز مع كل الوحش؟؟

بقي ده اسمه كلام؟؟




خليك متفائل ودايما فاكر :)

ليك ربك رحيم وكرمه عليك زايد :)

ومهما ضاقت عليك هتهون :)

ماهو سبحانه قال ان بعد العسر يسرا :)

واهو ده بقي الكلام :)



افتح قلبك للخير وحب كل الناس :)

وارمي ورا ضهرك همومك وكل الاحزان :)

وقول عليك وحدك بس توكالي يا رحمن :)

واهو ده بقي الكلام :)


قرب منه تلاقاه علي طول جنبك :)

عمره ما هيقفل بابه لو فيه الخير قلبك :)

سبحانه قالك ادعوني واكيد هيجاوبك :)

واهو ده بقي الكلام :)


خلي الدعاء في لسانك وكمان جوه قلبك :)

والاستغفار خليه سلاحك وبيه لربك قربك :)

وارمي حمولك عليه وقوله يارب هون

واهو ده بقي الكلام :)



سيبك من كلام الناس ومن اللي مش عاجبه :)

عمر الناس ما اجتمعوا علي حب شئ واحد :)

خلي هدفك قدامك واسعي وراه دايما :)

يرضوا الناس او مايرضوا رضا ربي هو غايتي :)

واهو ده بقي الكلام :)


فليرضي عني الناس او فليسخطوا ..فانا لم اعد اسعي لغير رضاك :)

بقلمي ومن تصميمي :)
اختكم في الله
قلـ♥ـب تائب
ممكن تعمل شير في الخير
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓