مفيش فايده :(

.

مفيش فايده :(
انا عارف نفسي كويس ومتأكد ان مفيش فايده ;(
الشيطان فعلا أقوى منى وانا مش عارف اعمل حاجه :( خلاص بقى خليني زي ما انا وزي ما تيجي تيجي :((


استنـــــــى بـــــــس :)
اولا : مفيش حاجه اسمها مفيش فايده :)
ثانيا : اسمها مش قادر على نفسي مش على الشيطان .. لان الشيطان مكانش معاك فى رمضان ;)
ثالثا : انك لو خليتك زي ما انت .. انت الخسران مش حد غيرك :(


طب والحل؟؟؟!!!!!
الحل سهل وفـ ايدك :)
اولا: انك تنوى التوبه بجــــد من قلبك مش بس بالكلام :)

ثانيا : تكون ثقتك وحسن ظنك بالله وانه هيعينك ويساعدك اكبر من اي ذنب اوي معصيه :)
عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ ، أَنَّهُ قَالَ : " قَالَ اللَّهُ عَزَّ وَجَلَّ : أَنَا عِنْدَ ظَنِّ عَبْدِي بِي ، وَأَنَا مَعَهُ حَيْثُ يَذْكُرُنِي ، وَاللَّهِ لَلَّهُ أَفْرَحُ بِتَوْبَةِ عَبْدِهِ مِنْ أَحَدِكُمْ يَجِدُ ضَالَّتَهُ بِالْفَلَاةِ ، وَمَنْ تَقَرَّبَ إِلَيَّ شِبْرًا تَقَرَّبْتُ إِلَيْهِ ذِرَاعًا ، وَمَنْ تَقَرَّبَ إِلَيَّ ذِرَاعًا تَقَرَّبْتُ إِلَيْهِ بَاعًا ، وَإِذَا أَقْبَلَ إِلَيَّ يَمْشِي أَقْبَلْتُ إِلَيْهِ أُهَرْوِلُ " . صحيح مسلم
في كرم من ربك حبيبك اكتر من كده ؟؟؟:)

ثالثا : لانك مسلم ومتأكد ان وعد ربك عمره ما هيضيعك تحط دايما قدامك الايه الكريمه ديه
(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

رابعا : تشغل نفسك دايما بذكر الله وطاعته لان نفسك لو مشغلتهاش بالطاعتات هتشغلك بالمعاصي :)

خامسا : تحاول تدور على صحبه جواها خير وقريبه من رب العالمين :)
علشان تعينوا بعض وتشدوا بعض لو حد لا قدر الله وقع في نص الطريق :)

سادسا : ادعـــــــــى كتيــــــــر :)
الدعاء بجد من اعظم واكتر الحاجات اللي بتقربك من ربك وتحسسك انك دايما في معيه الله :)

سابعا : اد ما تقدر حافظ على اذكار الصباح والمساء والنوم :)
لان تكرارهم كتير بيخليك تخجل انك تفكر في معصيه ربك ..وغير انهم اصلا بيحفظوك من اي شر :)

ثامنا : جدد دايما نيتك وقــــــول
(قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ)
علشان تفكر نفسك دايما انك مخلوق اصلا علشان تعبد رب العالمين وتطيعه :)


متيهيألي كفايه كده دلوقتي وخلونا نبدأ ونداوم بالحاجات ديه وربنا المستعان :)
اتفقنا يا احلى شباب وبنات مسلمين؟؟ :)

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الله المستعــــان :)

.

نفسي كل الناس تعمل حساب غيرها زي ما بتعمل حساب نفسها :(

كل واحد بيشوف نفسه هو اللي مظلوم ويمكن كمان يحس انو صاحب حق

ويتهم غيره بسؤ النيه وانو للاسف نظرته اتغيرت فيه !!!!

لحظه بس كده لو سمحت .. هو مين اللي قرر كل ده وحكم بيه؟؟

مش هو انت نفسك برضوه..اللي هو انت اصلا طرف في الحكايه او المشكله؟؟

طيب ومنين اديت لنفسك الحق انك تحكم وتقول ان غيرك هو اللي غلطان؟؟

هو احنا ليه بنفكر كده؟؟؟

ليه مبنحطش نفسنا مكان غيرنا.. ونفكر لدقايق من منطق اللي قدامنا؟؟

مش يمكن هو عنده حق؟؟

او يمكن انت خانك التعبير او اللفظ؟؟

طبعا كتير منكم مش فاهم كلامي كويس :(

بس انا مش بألف صدقوني .. انا حسه بجد ان الانسان مبقاش يفكر غير في نفسه :(

وللاسف كلنا او معظمنا نسينا قول الحبيب المصطفي عليه الصلاه والسلام

عن أبي هريرة رضي الله عنه أن رسول الله صلى الله عليه وسلم قال إياكم والظن فإن الظن أكذب الحديث ولا تحسسوا ولا تجسسوا ولا تنافسوا ولا تحاسدوا ولا تباغضوا ولا تدابروا وكونوا عباد الله إخوانا كما أمركم المسلم أخو المسلم لا يظلمه ولا يخذله ولا يحقره التقوى ههنا التقوى ههنا ويشير إلى صدره بحسب امريء من الشر أن يحقر أخاه المسلم كل المسلم على المسلم حرام دمه وعرضه وماله إن الله لا ينظر إلى أجسادكم ولا إلى صوركم وأعمالكم ولكن ينظر إلى قلوبكم وفي رواية لا تحاسدوا ولا تباغضوا ولا تجسسوا ولا تحسسوا ولا تناجشوا وكونوا عباد الله إخوانا وفي رواية لا تقاطعوا ولا تدابروا ولا تباغضوا ولا تحاسدوا وكونوا عباد الله إخوانا وفي رواية لا تهاجروا ولا يبع بعضكم على بيع بعض رواه مسلم بكل هذه الروايات وروى البخاري أكثرها

بس في حاجه مهمه برضوه عاوزه اشير اليها يا شباب ويا بنات

مش معنى ان اخوك او صاحبك فهم كلامك غلط وجه يعاتبك انو كده بيسئ الظن بيك ..

في فرق كبير بين العتاب بلين وحسن نيه .. وبين الاتهام بالباطل وسوء الظن

بصوا انا هبطل رغي وكلام كتير اهو وهقولكم المفيد :)

يلا بينا لو سمحتوا نجدد نيتنا مع بعض كلنا دلوقتي :)

ونقول من قلوبنا اللهم اني اشهدك اني سامحت كل خلقك فيك :)

ايوه سااامح علشان رب العباد يسامحك :)

وقبل ما امشي هنقلكم بس كلمتين قرتهم قبل كده وهما فعلا صح جدا :)

في ناس كلامها طبطه.. وناس كلامها كهربا !!
يا ترى احنا انهى نوع؟؟
اعتقد محتاجين نراجع يومنا..وكلامنا فيه مع خلق الله
وساعتها هنلاقي الجواب القاطع لحالنا وكلامنا
الله المستعـــــــــــــــان :)

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

حب لاخيك ما تحب لنفسك :)

.

حب لاخيك ما تحب لنفسك :)

طبعا مقوله مشهوره جدا مش كده ؟؟:)
عارفين زمان كنت باخد الجمله عادي كده وممكن مكنتش بركز في معناها اوي

بس لما عرفت الحديث الشريف اللي بيقول
عن ابي حمزه انس بن مالك رضي الله عنه.عن النبي صلى الله عليه وسلم:
لا يؤمن احدكم حتى يحب لأخيه ما يحب لنفسه} رواه البخاري ومسلم

عرفت اد ايه مهم واد ايه الرسول عليه الصلاه والسلام
ربط بين حبك لغيرك زي ما بتحب لنفسك بالايماااان!!!!!

متخيلين يا شباب ويا بنات يعني ايه؟؟

يعني انت تقدر تحكم على نفسك وعلى درجه ايمانك من خلال مقياس معاملاتك مع الاخرين :)

طيب الاول تعالوا نشوف مع بعض معنى الحديث الشريف ايه :)
معناه لايبلغ عبد حقيقة الإيمان حتى يحب للناس ما يحب لنفسه من الخير’ ويكره للناس ما يكرهه لنفسه من الشر

يعني يا شباب ويا بنات نعامل الناس زي ما بنحب انهم يعاملونا :)

متخليش ابدا الانانيه وحب الذات والأنا تسيطر علينا ولعياذ بالله :)

طبعا احنا كلنا بشر وللاسف ممكن يجي علينا وقت الشيطان يغلبنا وحب الذات يأثر علينا :(

بس الاهم اننا اول ما نحس بده نستعيذ بالله من الشيطان ونحاول نصحح اللي غلطنا فيه :)

عندي كمان حديث مهم اوي عاوزه اقولهلكم وبعدها مش هطول عليكم :)

قال صلى الله عليه وسلم:{ من احب أن يزحزح عن النار ويدخل الجنه فلتدركه منيته وهو مؤمن بالله واليوم الآخر ويأتي على الناس الذي يحب أن يؤتى عليه}رواه البخاري ومسلم

واخدين بالكم يا مسلمين :)

لو عاوز تدخل الجنه وتبعد عن الناااااااار ان شاء الرحمن بعد ايمانك برب العالمين واليوم الاخر على طووووووول
تؤتي الناس الذي تحب ان يأتوك عليه:)

عامل الناس كما تحب ان يعاملوووووك :)

ربنا يحبكم ويرضى عليكم جميعا يارب :)

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

نفسي :)

.


نفسي كل الناس تعمل حساب غيرها زي ما بتعمل حساب نفسها :(


كل واحد بيشوف نفسه هو اللي مظلوم ويمكن كمان يحس انو صاحب حق


ويتهم غيره بسؤ النيه وانو للاسف نظرته اتغيرت فيه !!!!


لحظه بس كده لو سمحت .. هو مين اللي قرر كل ده وحكم بيه؟؟


مش هو انت نفسك برضوه..اللي هو انت اصلا طرف في الحكايه او المشكله؟؟


طيب ومنين اديت لنفسك الحق انك تحكم وتقول ان غيرك هو اللي غلطان؟؟


لا وكمان انك صاحب فضل عليه وسامحته علشان ميشيل ذنب !!!


هو احنا ليه بنفكر كده؟؟؟


ليه مبنحطش نفسنا مكان غيرنا.. ونفكر لدقايق من منطق اللي قدامنا؟؟


مش يمكن هو عنده حق؟؟


او يمكن انت خانك التعبير او اللفظ؟؟


طبعا كتير منكم مش فاهم كلامي كويس :(


بس انا مش بألف صدقوني .. انا حسه بجد ان الانسان مبقاش يفكر غير في نفسه :(


وللاسف كلنا او معظمنا نسينا قو الحبيب المصطفي عليه الصلاه والسلام


عن أبي هريرة رضي الله عنه أن رسول الله صلى الله عليه وسلم قال إياكم والظن فإن الظن أكذب الحديث ولا تحسسوا ولا تجسسوا ولا تنافسوا ولا تحاسدوا ولا تباغضوا ولا تدابروا وكونوا عباد الله إخوانا كما أمركم المسلم أخو المسلم لا يظلمه ولا يخذله ولا يحقره التقوى ههنا التقوى ههنا ويشير إلى صدره بحسب امريء من الشر أن يحقر أخاه المسلم كل المسلم على المسلم حرام دمه وعرضه وماله إن الله لا ينظر إلى أجسادكم ولا إلى صوركم وأعمالكم ولكن ينظر إلى قلوبكم وفي رواية لا تحاسدوا ولا تباغضوا ولا تجسسوا ولا تحسسوا ولا تناجشوا وكونوا عباد الله إخوانا وفي رواية لا تقاطعوا ولا تدابروا ولا تباغضوا ولا تحاسدوا وكونوا عباد الله إخوانا وفي رواية لا تهاجروا ولا يبع بعضكم على بيع بعض رواه مسلم بكل هذه الروايات وروى البخاري أكثرها


بس في حاجه مهمه برضوه عاوزه اشير اليها يا شباب ويا بنات


مش معنى ان اخوك او صاحبك فهم كلامك غلط انو كده بيسئ الظن بيك ..


ومفروض نقدر اصلا صراحته معانا وانوا مشالش بغضاء في قلبه وخباها عليك


بصوا انا هبطل رغي وكلام كتير مش مفهموم اهو وهقولكم المفيد :)


يلا بينا لو سمحتوا نجدد نيتنا مع بعض كلنا دلوقتي :)


ونقول من قلوبنا اللهم اني اشهدك اني سامحت كل خلقك فيك :)


ايوه سااامح علشان رب العباد يسامحك :)

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

يا رب خدني وريحني بقي :(

يا رب خدني وريحني بقي :(

نفسي اموت وارتاح من اللي انا فيه :(
...
ليه بس يا ربي كده :(

الجمل ده بنسمعها كتيير للاسف من ناس حوالينا :(

ويمكن يكون مننا اللي بيقولها وقت ضيقه او زعله :(

بس تفتكروا اصلا الكلمات والجمل ديه صح نقولها؟؟؟

لو ركزتوا في معني الجمل والكلام هتلاقوا فيهم ولعياذ بالله

اعترااااض علي قضاء وامر الله :((

طيب بالله عليكم ده ينفع؟؟؟

مهما كان اللي حصل او مهما كان حجم المشكله

في حاجه تستاهل انك تعترض علي قضاء رب العالمين؟؟

ماهو اللي انتي معترض عليه ده وحاسس انه شر ربك هو اللي ابتلاك بيه :)

وابتلاء ربنا ليك في كل الاحوااااال خير ليك :)

ما هو اصل رب العالمين مش بيبتلي غير عبده اللي بيحبه :)

ايوه علشان بيحب يسمع صوت عبده وهو بيتقرب منه وبيدعيع من قلبه :)

يبقي ربك بيبتليك علشان عاوزك تقرب منه وانت تزعل وتتمني الموت؟؟؟

وبعدين ايه عرفك اصلااا ان الحاجه ديه لو كانت حصلت زي ما انت عاوز كانت هتبقي فيها خير ليك ؟؟

مش الاكيد ان ربك بيبعد عنك كل اللي فيه شر واذي ليه وبيكتبلك اللي فيه خير ومصلحه ليك؟؟

بلاااش نتسرع ونحكم من منظورنا وعلمنا الضيق بالامور

وخلينا عارفين دايما ان كل اللي كتبهولنا ربنا حبيبنا كله خير:)

ومحدش ابدا ابدا يتمني الموت او يقول لبه بس كده ياربي :)

وقت المشكله او المصيبه لازم نقول الحمد لله رب العالمين :)

راضي يا ربي بقضاءك وبحكمك وامرك مهما يكون :)

رب العالمين بيقول في كتابه العزيز
"وَمَا خَلَقْتُ الْجِنَّ وَالإِنسَ إِلاَّ لِيَعْبُدُونِ"

يعني احنا اصلا اتخلقنا في الدنيا علشان نعبد ربنا ونمتثل لاوامره مش عشان نعصيه :)

وكمان في ايه كريمه بتقول
(قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ)ا

يعني انا وانت وهو وهي المفروض دايما نجدد نيتنا في حياتنا كلها انها لله رب العالمين :)

وكل اعمالنا وحتي وفاتنانتمناها تكون بالشكل اللي يرضي رب العالمين :)

ها بقي يا شباب ويا بنات هنحاول دايما نفتكر الكلام ده قبل ما نقول اي جمله من الجمله الوحشه ديه؟؟

ربنا يحبكم ويرضي عنكم جميعا يارب :)

بقلمي ومن تصميمي :)
اختكم في الله
قلـ♥ـب تائب

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

قالولـــــي :)

.

قالولي انتي رجعيه وبتفكري بفكر زمان

^_^ قلتلهم طيب وماله ماهو زمان ده فكر الاسلام...
......
قالولي انتي معقده ومخليه الدنيا غامقه :(

^_^ قلتلهم انا مبساطاها ومخليا ديني اولي

قالولي صوره مش اساس والحكايه بسيطه خالص :(

^__^ قلتلهم صورتي عنواني وبتوصف فكري ودماغي

قالولي لما انتي مش كوول !!ا

ولا حبه الاختلاط والتغيير !!ا

داخله ليه عالفيس والنت ؟؟

قلتلهم انا بنت مسلمه

وديني قالي اعرف وافهم كل جديد ^_^

اسلامي قالي كوني رمز وقدوه ^_^

لكل بنت او ولد

عرفيهم وفهميهم ايه معني الخلق والادب :)

صوره بروفايلي لازم تكون رمز لشخصي :)

ومينفعش تكون صوره ترضي عبد وبيها اعصي ربي :)

ومش هشيل ذنب اني اكون فتنه لاخ ليا في الاسلام :)

كوني غاليه

كوني غير

كوني غير كل البنات

ببساطه انا بنت مش عاديه

انا بنت مسلمه

بقلمــى

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

.
بقي ده اسمه كلام؟؟


...شويه تقول حاسس اني لوحدي

وشويه تقول انا تعبان وزهقان

وشويه تقول مخنوق وملان

بقي ده اسمه كلام؟؟



شايل هم الدنيا بحالها ليه؟؟

هو مفيش غير في الكون ولا ايه؟؟

قافل علي نفسك الدايره كده ليه؟؟

بقي ده اسمه كلام؟؟



الدنيا كبيره والناس فيها كتيره

منهم الطيب والصالح ومنهم اكيد الغير صالح

ليه باصص دايما ومركز مع كل الوحش؟؟

بقي ده اسمه كلام؟؟




خليك متفائل ودايما فاكر :)

ليك ربك رحيم وكرمه عليك زايد :)

ومهما ضاقت عليك هتهون :)

ماهو سبحانه قال ان بعد العسر يسرا :)

واهو ده بقي الكلام :)



افتح قلبك للخير وحب كل الناس :)

وارمي ورا ضهرك همومك وكل الاحزان :)

وقول عليك وحدك بس توكالي يا رحمن :)

واهو ده بقي الكلام :)


قرب منه تلاقاه علي طول جنبك :)

عمره ما هيقفل بابه لو فيه الخير قلبك :)

سبحانه قالك ادعوني واكيد هيجاوبك :)

واهو ده بقي الكلام :)


خلي الدعاء في لسانك وكمان جوه قلبك :)

والاستغفار خليه سلاحك وبيه لربك قربك :)

وارمي حمولك عليه وقوله يارب هون

واهو ده بقي الكلام :)



سيبك من كلام الناس ومن اللي مش عاجبه :)

عمر الناس ما اجتمعوا علي حب شئ واحد :)

خلي هدفك قدامك واسعي وراه دايما :)

يرضوا الناس او مايرضوا رضا ربي هو غايتي :)

واهو ده بقي الكلام :)


فليرضي عني الناس او فليسخطوا ..فانا لم اعد اسعي لغير رضاك :)

بقلمي ومن تصميمي :)
اختكم في الله
قلـ♥ـب تائب
ممكن تعمل شير في الخير

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓