الجمعة، أكتوبر 28، 2011

ايام العشر



خلص رمضان وحاسس انك بتمر بمرحله من الفتور؟؟

مش لاقي قلبك ومش عارف تحس بلذه طاعتك وقربك لله؟؟

طيب الفرصه اهي قدامك وجاتلك في ايام خيرها كبير وفضلها عند ربك عظيم

ايام العشر الاوائل من ذى الحجه ايااااااااك تضيعها :)

واللي هتبدأ من بكره الجمعه 1ذي الحجه ان شاء الله :)

اسمع كده معايا الحديث الشريف يقول ايه
عن ابن عمر رضي الله عنهما: قال : قال رسول الله صلى الله عليه وسلم : " ما من أيام أعظم عند الله سبحانه ولا أحب إليه العمل فيهن من هذه الأيام العشر. فأكثروا فيهن من التهليل والتكبير والتحميد" [رواه الطبراني في المعجم الكبير].

بالله عليك ينفع تضيع منك احب الايام للــــــه عز وجل من غير ما تقرب منه اكتر واكتر؟؟

هتقولي لاء طبعا ..بس اقرب ازاي؟؟
هقولك اسمع معايا وانت تعرف

قال ابن حجر- رحمه الله - في الفتح : " والذي يظهر أن السبب في امتياز عشر ذي الحجة: لمكان اجتماع أمهات العبادة فيه، وهي الصلاة والصيام والصدقة والحج ، ولا يأتي ذلك في غيره ".

وسئل شيخ الإسلام ابن تيمية- رحمه الله - عن عشر ذي الحجة، والعشر الأواخر من رمضان، أيهما أفضل؟
فأجاب: " أيام عشر ذي الحجة أفضل من أيام العشر من رمضان، والليالي العشر الأواخر من رمضان أفضل من ليالي عشر ذي الحجة".
قال المحققون من أهل العلم : أيام عشر ذي الحجة أفضل الأيام، وليالي العشر الأواخر من رمضان أفضل الليالي.

ايـــه رايكم يا شباب؟؟
عاوزين اد ما نقدر نكرث من وقتنا للعباده والتقرب من الله عز وجل ابتغاء مرضاته ومغفرته يا مسلمين:)

1- الصيام
اد ما تقدر صـــوم ويا حبذا لو ربنا قدرك وصمت العشر ايام كلهم :)

2- الصدقه
مش مهم تتصدق بكام .. خلي معاك فلوس فكه كتيراد ما تقدر ساعد اللي تقابله محتاج :)

3-القراءن
اعمل لنفسك ورد معين تواظب عليه كل يوم في العشر ايام دول .. ويا سلام لو عملتها وقدرت تختم الايام فيهم :)

4-القيام
متفوتش يـــــــوم متصليش فيه قيام ليل وفرصه انك تختلي بربك حبيبك وتناجيه وتدعله بكل اللي بتتمناه :)

5- الحج
وطبعا ده لمن استطاع اليه سبيلا وربنا يكتبهولنا جميعا عاجل غير اجل ياااااارب :)

6- التسبيح والتهليل والتحميد والتكبير
طوووول ما انت قاعد اذكر ربك وسبح بحمده وكبر ..حتى وانت في طريقك لاي مكان او وانت فى السرير غلشان تنام :)

7- الاضحيه
لو قادر تضحي لوحدك متتردش ولو مش قادر حاول تجمع انت واصحابك ان شالله تكونوا عشره مع بعض بس متضيعوش فضل الاضحيه منكم :)

قال تعالى : { ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ } [الحج :32]
وقال تعالى :{ لَن يَنَالَ اللَّهَ لُحُومُهَا وَلَا دِمَاؤُهَا وَلَكِن يَنَالُهُ التَّقْوَى مِنكُمْ } [الحج: 37] .

8-الاكثار من الدعاء
متضيعش فضل انك تدعى ربك كتير في الايام الكريمه ديه لعلها تكون مجابه ان شاء الرحمن :)
ومتقصرش دعائك على امور دنيويه فقط .. ادعى دايما ربك يرزقك خير الدارين :)

اللهم اتنا في الدنيا حسنه الاخره وفى الاخره حسنه وقنا عذاب النار
اللهم اعنا جميعا على ذكرك وشكرك وحسن عبادتك

هدانا الله ووفقنا واياكم لما يحب ويرضى ياااااارب

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الثلاثاء، أكتوبر 25، 2011

hey mr admin :)

.

اسمحولى النهارده اتكلم شويه مع
كل ادمن فى صفحه وخصوصا لو صفحه اسلاميه :)
بغض النظر ان تقريبا نص مشتركي الفيس بوك بقوا ادمنز صفحات :D

وبما اني في الوسط الادمنى(حلوه الوسط ديه :D )
فبشوف عن قرب كتير من المشاكل والحاجات اللي بجد مهم نتكلم فيها :)

خلى بالك مستر ادمن من :

1- حاول قدر الامكان تكون بجد قدوه حسنه :)
ماهو مينفعش نكون من اللى يقال فيهم (أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ وَأَنْتُمْ تَتْلُونَ الْكِتَابَ أَفَلا تَعْقِلُونَ)
(ايااااااك تنشر حاااجه انت مش بتعملها والا هتدخل في منطقه الرياااء والنفاق ولعياذ بالله )
(او استعراض قدام اصحابك) وتفاخر بانك مستر ادمن :(


2- خليك فاكر دايما اول مره اتعرض عليك فيها تبقى ادمن او اول مره فكرت تعمل فيها صفحه
(افتكر ان هدفك الوحيد وقتها هو ابتغاء مرضاه الله والدعوه لنصره دينك )
( مش علشان يكون همك الاول والاخير عدد الفانز )
(ولا علشان تقلبها صفحه ممكن تبادل؟؟)
خليك فاكر دايما
عن سهل بن سعد رضي الله عنه أن رسول الله صلى الله عليه وسلم قال يوم خيبر لعلي رضي الله عنه " فوالله لأن يهدي الله بك رجلاً واحداً خير لك من أن يكون لك حمر النَّعَم".
رواه البخاري، ومسلم


3-ميتحولش هدفك بعد ما تتعرف شويه وتنضم لمجموعه صفحات كبيره لمجرد
(انا بنشر علشان ارضي عمو صاحب الصفحه:D )
(اوانا ههتم بس بالصفحات الكبيره اللي ليه فيها معجبين وبيحسسوني بقيمتى)


4-رفقا بزمايلك الادامن :)
لو حضرتك صاحب صفحه
(متتعاملش مع باقى الادمن على انك رئيس مجلس الادراه وهما بيشتغلوا عندك)
(ولا تفرض عليهم رايك من غير ما تاخد بالمشوره ورأي الاغلبيه)
وخليك فاااكر اهــــم حاجه
انت وهما كلكم بتشتغلوا عند ربنـــــــا :)


5- الاخوه الادامن كفاياااكم خناق على مين نشر بعدي بدقيقه ومين محترمش البوست بتاعى :@ :@
خلوا التسامح بينكم وافتكروا انكم مجتمعين في عمل ابتغاء مرضاه رب العباد
وان اللي جمع بينكم هو الحـــب فى الله ♥ :)


5- اوعـــــــى تنســـى من وقت للتاني تجديد النيه :)
من وقت للتاني قول بينك وبين نفسك
" قل إن صلاتي ونسكي ومحياي ومماتي لله رب العالمين

واخيرا عذرا اخواني الفانز الكرام لو كنت ضايقتكم بموضوع ميهمكوش :)
بس عايزه اقول لكل فان جميل قرا الموضوع ده رجاااء :)
متبخلش على نفسك بثواب انك تعمل شير لموضوع قريته لانك بكده هتخسر ثوابه :)
ومين عالم مش يمكن يكون نشرك للموضوع سبب في هدايه شخص!!!
ومتنسااااش ان الدال على الخير كفاعله :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الثلاثاء، أكتوبر 18، 2011

عارف يعني ايه ربنا بيحبك ♥

.

عارف يعنــى ايــه ربنــا بيحبــك :)
.
.
.
.
يعنـى تكون بتدعى من قلبك وتقـول "اللهــم ارزقنــى من حيث لا احتسـب "

وتلاقي رزق وباب خيـر اتفتحولك من حد او في مكان عمرك ما كنت تتوقعه او حتى تعرفه :)

صدقت ربـــى حين قلــت
وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

◘ Not Available ◘

.

نشعر احيانا اننا بحاجه للبعد عنـ كلـ شئ
لاـ لمتاعبـ او مشاكلـ احاطتـ بنـا
وإنما فقطـ لقراءه انفسنا عنـ قرب
إستعداداً لمواصله همـومـ ومشوار الحيــاه
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الجمعة، أكتوبر 14، 2011

مذكرات زوجين ♥

.

عارف يعنــى ايــه بحبــ♥ــك؟؟ :)
.
.
انك حتى لما بتزعلنى واكون مصممه اكشـر ومصالحكـش ♥

اول ما تيجـي تكلمنـى الاقينـى بضحك ومش عارفــه اعمل مقموصـه ♥
.
.
مش ده برضـوه يعنــى انـا بحبـ♥ــك ؟؟ :)

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الخميس، أكتوبر 13، 2011

عارف يعني ايه ربنا بيحبك ♥

.

عارف يعنى ايه ربنا بيحبك؟؟:)
.
.
.
يعني اختــارك انت بالذات من ضمـــن ناس كتيـــر اوي وكرمك بالاسلام :)

اللهم لك الحمد والشكر على نعمه الاسلام وكفى بها نعمه ♥:

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

مبقتش فاهماني :(

.

مبقتش فاهماني !!
ولا حتى عارفانى!!

مش عارفه اكون زيى (انا)ا !!
ولا عارفه اكون غيري (انا)ا !!

هو مين اللي عمل فيا كده؟؟

يمكن انا ؟؟!!
لاء لاء ..
اكيد حد حابب مكنش انا؟؟ !!

طب مش يمكن مكنتش حلوه وانا (انا)ا !!
ولا هو اللي وحش وعاوزني اكون حد مش حلو زي (انا)ا !!

حد فاهم حاجه؟؟
مش مهم حد يفهم حاجه :(

ما هو انا اصلا مبقتش فاهماني :(
ولا حتى عارفانى :(((

بقلمــى (انا)ا
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الاثنين، أكتوبر 10، 2011

اللهم اعنا على ذكرك وشكرك وحسن عبادتك

اللَّهٌمَّ أَشْغِلْنِي بِذِكْرِكَ عَنْ كٌلّ ذِكْر . . :)
وَ بِطَاعَتِكَ عَنْ كٌلّ طَاعه « ♥ ».
( سبحان اللَّـہَ . . :)
.( وَالْحَمْدُ للَّـہَ . .:)
.( وَلاَ إِلَهَـ إِلاَ اللَّـہَ . . :)
.( وَ اللَّـہُ أَگْبَــرْ . . :)
(( وَلاَ حَوْلَ وَلاَ قَوَّةَ إِلاَ بِاللَّـہَ الْعَلَـيُّ الْعَظِـيِم ))
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأحد، أكتوبر 09، 2011

سحقـــا :(

.
سحقا للذكرياتـ المؤلمه :(
كمـ هى مؤذيه ومغيره للحالـ :(
.
.
في عز ما اكونـ مبسوطه والدنيا فـ عيني كويسه ..
تنطلى ذكرى او موقفـ وحشـ يعكننـ عليا اليوم كله :(((((

بقلمى المتلخبط دلوقتى :(
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

يلا نقول يــــا رب

.
يــــــ♥ـــــا رب
انت المستعــــان على كــل المحـــن
فكــنـ معنا ولاتكــنـ علىنا أبــدا يا رحمــــن
فلك الحمـــد ربى والشكــر في كـــل وقت وحـــال


Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الخميس، أكتوبر 06، 2011

6 اكتـــوبــر ♥


زي النهارده..
.
.
.

زي النهارده كتير من ولادك راحوا فداكي يا بلدى :)

زي النهارده شبابك وجيشك رفعوا راسك يا بلدي :)

زي النهارده المصري قال للعالم كله انك حره يا بلدى :)

زي النهارده رجالتك ادوا درس للعدو فى معنى الشرف والحريه يا بلدي :)

زي النهارده كل بيت فيكي كان نايم بيضحك رغم جزن قلب كل ام راح منها ولدها فدا ترابك يا بلدي :)

زي النهارده كل طفل فيكي كان بيقول انا فخور بيكي يا بلدي :)

زي النهارده كل بنت وكل ست فيكي كانوا بيحلفوا بشبابك ورجالتك يا بلدى :)

زي النهارده كل راجل وكل شاب فيكي كانوا رمز للعزه والكرامه يا بلدي :)

زي النهارده والنهارده وبكره وبعده وكل يوم.. هتفضلى ام الدنيا ورمز للحريه يا بلدي :)
.
.
.
وبفرح اوووووووووووووي ..
.
.
.
بفرح اوي لما اتسأل جنسيتك ايه؟؟

بفرح اوي لما اسمع راي كل الشعوب والدنيا فيكي

بفرح اوي لما ارد بكل فخر واقوووووول

انا مصــــريه وبعشــــق بــلادي ♥ :)


Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الأربعاء، أكتوبر 05، 2011

.
ويبقي في القلب أناسا لا ننساهم
قد يغيبوا ويبتعدوا كثيرا
لكن بمقدار بعدهم نزداد لهم حنينا

:(
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

اللهم لك الحمد والشكر

.
اللهم لك الحمد والشكر يااارب
اعطيتني اكثر مما اتمني
وان كنت منعت عني بعض الرغبات
فانا علي يقين انك قدرت لي
...ماهو خير وابقي
الهم لك الحمد والشكر دوما دوما ♥

Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الثلاثاء، أكتوبر 04، 2011

الله المستعــــان :)

.

نفسي كل الناس تعمل حساب غيرها زي ما بتعمل حساب نفسها :(

كل واحد بيشوف نفسه هو اللي مظلوم ويمكن كمان يحس انو صاحب حق

ويتهم غيره بسؤ النيه وانو للاسف نظرته اتغيرت فيه !!!!

لحظه بس كده لو سمحت .. هو مين اللي قرر كل ده وحكم بيه؟؟

مش هو انت نفسك برضوه..اللي هو انت اصلا طرف في الحكايه او المشكله؟؟

طيب ومنين اديت لنفسك الحق انك تحكم وتقول ان غيرك هو اللي غلطان؟؟

هو احنا ليه بنفكر كده؟؟؟

ليه مبنحطش نفسنا مكان غيرنا.. ونفكر لدقايق من منطق اللي قدامنا؟؟

مش يمكن هو عنده حق؟؟

او يمكن انت خانك التعبير او اللفظ؟؟

طبعا كتير منكم مش فاهم كلامي كويس :(

بس انا مش بألف صدقوني .. انا حسه بجد ان الانسان مبقاش يفكر غير في نفسه :(

وللاسف كلنا او معظمنا نسينا قول الحبيب المصطفي عليه الصلاه والسلام

عن أبي هريرة رضي الله عنه أن رسول الله صلى الله عليه وسلم قال إياكم والظن فإن الظن أكذب الحديث ولا تحسسوا ولا تجسسوا ولا تنافسوا ولا تحاسدوا ولا تباغضوا ولا تدابروا وكونوا عباد الله إخوانا كما أمركم المسلم أخو المسلم لا يظلمه ولا يخذله ولا يحقره التقوى ههنا التقوى ههنا ويشير إلى صدره بحسب امريء من الشر أن يحقر أخاه المسلم كل المسلم على المسلم حرام دمه وعرضه وماله إن الله لا ينظر إلى أجسادكم ولا إلى صوركم وأعمالكم ولكن ينظر إلى قلوبكم وفي رواية لا تحاسدوا ولا تباغضوا ولا تجسسوا ولا تحسسوا ولا تناجشوا وكونوا عباد الله إخوانا وفي رواية لا تقاطعوا ولا تدابروا ولا تباغضوا ولا تحاسدوا وكونوا عباد الله إخوانا وفي رواية لا تهاجروا ولا يبع بعضكم على بيع بعض رواه مسلم بكل هذه الروايات وروى البخاري أكثرها

بس في حاجه مهمه برضوه عاوزه اشير اليها يا شباب ويا بنات

مش معنى ان اخوك او صاحبك فهم كلامك غلط وجه يعاتبك انو كده بيسئ الظن بيك ..

في فرق كبير بين العتاب بلين وحسن نيه .. وبين الاتهام بالباطل وسوء الظن

بصوا انا هبطل رغي وكلام كتير اهو وهقولكم المفيد :)

يلا بينا لو سمحتوا نجدد نيتنا مع بعض كلنا دلوقتي :)

ونقول من قلوبنا اللهم اني اشهدك اني سامحت كل خلقك فيك :)

ايوه سااامح علشان رب العباد يسامحك :)

وقبل ما امشي هنقلكم بس كلمتين قرتهم قبل كده وهما فعلا صح جدا :)

في ناس كلامها طبطه.. وناس كلامها كهربا !!
يا ترى احنا انهى نوع؟؟
اعتقد محتاجين نراجع يومنا..وكلامنا فيه مع خلق الله
وساعتها هنلاقي الجواب القاطع لحالنا وكلامنا
الله المستعـــــــــــــــان :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

الاثنين، أكتوبر 03، 2011

يــا رب ♥

.

يــا رب ♥
لك الحمد أن وهبتني نعمه السمع ♥
كمـ هو رائعـ احساسيـ حينما أسمعـ ندائكـ ♥
♥♥ الله اكبـــــــــــــر .. الله اكبــــــــــر ♥♥

أحبــــ♥ـــكـ ربــــــ♥ــــى
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

لا تجعل الله اهون الناظرين اليك :)

.

احم احم تسمحولى ارغى شويه :)


طبعا معظمنا او كلنا تقريبا متضايق ومتنرفز جدا جدا


بعد التعديلات الجديده والفظيعه اللي حصلت في الفيس بوك :D


بصراحه يا جماعه ومش هكذب عليكم انا من اول الناس اللي ضايقني اوى التعديل ده :(


ماهو فعلا حاجه رخمه اوي انك كل ما تعمل اي نشاط حتى لو لايك لصفحه تظهر لكل الناس كده :(


بس عارفين يا شباب شدني اوي تعليق حد شفته في كومنت على الموضوع ده


التعليق بيقول ....

كن رقيب علي نفسك أولا

:)


لما قريت الجمله حسيت اد ايه كتير مننا مقصرين :(


وطبعا انا أولكم :( :(


ماهو مينفعش ازعل اوي واتضايق واعمل الف حساب لتعليقاتي او اللي بنشره علشان بقت متاحه بشكل اكبر لكل الناس


ومبقاش عامله حساب للي أهم من كــــــــــل الناس !!!!


مينفعش اخلى رب العزه جل وعلا أهون الناظرين الي :(


مش بس في كومنتات ولا فيس ولا نت .... لاء الموضوع اكبر من كده بكتير :)


وبجد موضوع التعديلات ده خلاني أركز اكتر في النقطه ديه واحاول اعيد حساباتي مع نفسي من تاني :)


انتوا كمان يا شباب ويا بنات .. كل واحد منكم يقعد مع نفسه ويفكر


ايه الحاجات اللي ممكن يكون بيعملها وهو مش حابب كل الناس تعرفها او تشوفها :)


ومن النهارده نخلى شعارنا هو

.
.
.
الله شاهدي
الله ناظري
الله يراني
الله مطلع علي :)

ونرجع من تاني نقول .. لا تجعل الله اهون الناظرين اليك :)
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓

يوما بعد يوم

.

ويوما بعد يوم يزداد يقيني ^^


بانك وحدك من يحتويني ^^


بحثت كثيرا دون جدوي ^^


وكيف اجد وانت وحدك سبيلي ^^


اخطأت يوم اعتقدت اني ^^


في بعدي عنك سأجد راحتي ^^


لن اجد غيرك يغفر ذلاتي ^^


ويسمع مني شكوايا وحنيني ^^


سامحني ربي واقبل قلبي ^^


فهو قلب تائب أتاك يناجيك ^^


يقول اشهد بانك ربي ^^


ويدعوك بذل وخشوع وحنين ^^


اترده ربي خائبا منكسرا ؟؟^^


حاشاك ربي يا ارحم الراحمين ^^


فظني فيك يا سندي جميل ^^


احبـــــك ربـــــي يا خالق الكون ^^


وبك احتمي من كل ما يأذيني ^^


ويما بعد يوم يزداد يقيني ^^


بانك وحدك من يحتويني ^
^
Share انشر الموضوع على الفيس بوك

من فضلك انضم لصفحتنا الجديده على الفيس بوك ↓↓